寫黃子華的經典語錄
我第一次戀愛之前,我認為自己就係楊過。而我同書裏面個楊過唯一唔同嘅地方,就係佢有隻大鵰。
我只需要愛情,只要揾到我嘅小龍女,我就可以拋棄學業,退隱山林,搬入新界住。但系我一定要住西班牙別墅,我唔住得村屋,我怕蛇蟲鼠蟻。
然後每個月至多出一次市區,不過我唔會逗留得耐,問亞媽攞完零用錢我就會入番入去。
冇錯,基本上,我由中一至中五都系喺呢種咁超然嘅思想下度過。
嗰陣時學校最流行嘅辯論題目系:中學生應否談戀愛?我認為,我哋應該辯論嘅系中學生應否讀書?
而喺我第一次戀愛之前,我嘅小龍女只需要一個條件,就係靚,我知我咁樣諗好膚淺,但系嗰陣時我仲細,唔知道原來身材都好重要嘎。
系愛情之中,女人最偉大!
男人嘅犧牲,就為咗追求美麗;而女人嘅犧牲,就只系得到一個麻甩佬!而最偉大嘅系佢哋根本唔覺得系犧牲。
如果你話畀一個女人聽,喂,你男朋友有口臭!
如果你話我聽,因為我唔靚仔,所以唔可以做戲,你唔應該話我聽!因為唔關我事,我唔應該負呢個責任,你應該同我父母講,系佢哋搞成我咁嘅。如果你要罰,應該罰佢哋。以後,邊個醜樣,就罰佢爸爸媽媽唔準做戲!或者剩系做茄呢啡!
我唔系一個唔負責任嘅人,為我爸爸媽媽嗰短短一剎嘅快感,我已經負責負咗廿幾年。你估做我好易做啊?
我細個讀書唔好,或者唔合格,我冇要父母負責。我自己籤曬啲成績表嘅。
每當我爸爸媽媽有爭執鬧交嘅時候,我有冇叫佢哋為咗我嘅童年着想,忍下對方?冇!我叫佢哋出街鬧!
我大個咗,唔知應該信邊個宗教,唔知做人為乜,唔知人生事業嘅方向都冇要求父母照顧我。
靚仔系唔系真系咁重要啊?有啲人話男人唔駛靚仔嘅,有才華咪得囉。
我帶住我嘅才華入到去,幾艱難先揾到個女仔肯俾個機會我。唔系俾機會我交換問題,而系畀機會我天才表演。
唱歌跳舞做話劇講大話功夫表演,成套歡樂今宵一個人做一次
我從小就知道,我係一個偉大嘅演員。
雖然系咁,雖然,我亦都系成班人之中最細嗰個。但系我已經可以將一個妒忌嘅男人心態表現得淋漓盡至。
當然,我啲朋友個個都讚我,話我天生出嚟,就係戴綠帽嘅。
細個嗰陣,我係唔怕死嘅。
我覺得,系以前啲人先會死嘅。系歷史書裏面嘅人至會死。好多人唔明歷史有乜用,歷史咪話你聽邊啲人死咗囉。
我從來未睇過一本歷史書有提到黃子華呢個名,我點會死啊。最緊要系,就算死都唔系乜嘢一回事。
細個嗰陣隔離陳師奶成日叫佢老公:咁多人去死你仲唔去死?
然後去完番嚟,阿陳師奶又會話:死番嚟啦,唔死多陣添?
所以我一路都認為,去死,即系去街,同埋一定唔會去好遠。因為阿陳生每次都好快就返嚟嘅。
點解要帶金撈?唔帶撈,有乜資格同人講,時間系寶貴?我嘅時間點值錢呀?
嗱,支時針圍住行一個圈,12個鐘,十幾皮嘢,即係為皮幾嘢一個鐘。你一個鐘值幾錢啊?
-
有關温馨的晚安心語語錄摘錄37條
不知道他那裏好,讓你拋下我為他奮不顧身。晚安!以下是小編給各位讀者分享的温馨的晚安心語37條,僅供參考,歡迎大家閲讀。1、寧可累死在路上,也不能閒死在家裏!寧可去碰壁,也不能面壁。是狼就要練好牙,是羊就要練好腿。晚安!2、愛你的人,是不會捨得真的離開,懂你的人不需...
-
2023年實用的心靈雞湯勵志語錄49句
講官話,俗稱就是講廢話,是空耗聽者寶貴時間的。下面是小編為大家整理的心靈雞湯勵志語錄49句,一起來看一下吧。1、第一個青春是上帝給的,第二個的青春是靠自己努力的。不要總是在自怨自哀中度過,要握緊雙手告訴自己,我還有努力的空間。2、願望有些顯而易見的笨重的...
-
常用情感語錄彙總66條
對於那些愛我的人,我只能説聲對不起那次傷後,我的心裏再也放不下任何人。以下是小編整理的情感語錄66條,歡迎閲讀,希望大家能夠喜歡。1、修煉愛情的心酸,學會放好以前的渴望。2、青春,是唯一一個讓我們編織夢想的好時光。3、當女人把男人指責得十惡不赦,你問她,為什麼...
-
2023年有關治癒系的語錄39句
是我太天真了,總是認為我們的愛會很久很久。下面是小編幫大家整理的治癒系的語錄39句,一起來看一下吧。1、過去的不想在回憶,只想要記住現在的自己。2、小時候,幼兒園老師總是有意無意地引導我們:"將來長大了想做什麼樣的人?"有時候,我們會認為自己天生就知道自己...